The great nation of USA

Ég var að lesa blogg um daginn þar sem hygldi Bandaríkjamönnum í Íraksstríðinu og talaði um að hryðjuverkamenn bæru líka ábyrð á drápum saklausra borgara.  Gott og vel það er rétt en það réttlætir ekki að heil þjóð bombarteri aðra eins og þeir gera.  Ég ætla ekki að dissa bandaríkja menn neitt sérstaklega því að ég er ekkert reiður eða í nöp við þá heldur langar mig að benda á nokkra hluti sem ég tel að þeir séu ekki minntir nógu oft á. Engin þjóð hefur varpað kjarnorkusprengjum á ekki eina heldur tvær borgir. Í Afganistan og í Íraq nota þeir geislavirkar kúlur í skriðdrekum sínum sem menga jörðina um óákveðinn tíma og þó menn drepist ekki úr sprengingunni sjálfri þá deyja þeir úr geislun seinna.  Þeir nota klasasprengjur sem springa ekki alveg heldur falla til ótal ósprungar sprengjur sem liggja í jarðveginu þangað til næsta ?barn? kemur.  Í stríði við kókaín plöntur hafa þeir dreift eitri yfir kókaínplöntur þó svo að það drepi og örkumli menn í nágrannalandi og börn fæðist það vansköpuð og ég held án þess að biðjast afsökunar.  Neita að hætta að nota Napalm sem eru viðbjóðslegar eldmassasprengjur sem örkumlar fólk á hryllilegan máta.  Þeir menga mest af öllum þjóðum heimsins og neita að skrifa upp á bókun til þess að stuðla að mengunarvörnum.  Hvergi í heiminum á sér stað þvílík yfirgengileg sóun.  Svona gæti ég haldi áfram hvernig bandaríkjamenn hafa stutt við einræðisherra sem myrt hafa milljónir manna td. Suharto... þeir hafa notað veto ! semsagt neitað td í Úganda þar sem þjóðarmorð átti sér stað um aðstoð.  Engin þjóð hefur notað eins oft neitunarvald sitt í sameinuðu þjóðunum eins og bna menn.  Þjóðverjar kunna þó að skamma sín fyrir Heimstyrjaldirnar.

En svona er þetta bara.

Athugasemdir

[Steingrímur Helgason, 27.6.2007 kl. 01:27]

Vandinn við þetta er það að meðal ameríkaninn gerir sér öngva grein fyrir þessu.  Í þeirra huga eru hersveitir þeirra ennþá að frelsa heiminn, undan hinum & þessum tilbúnu ógnum.   Raunin er náttúrlega sú að BNA er bara að verja sína viðskiptalegu hagsmuni í öðrum heimsálfum, svo að við getum keypt af þeim þeirra vörur, framleiddar í lángtíburtistan.

Ofurklafi þeirra hefur meira að segja þau áhrif að flestallar evrópuþjóðir, sem & EES í heild, kvittar fyrir allt saman líka.  Það eina sem að mér fannst vanta í þessa fullkomnu grein þína, var að taka það með að frændur vorir Svíar, eru stærstu framleiðendur heims á jarðsprengjum, & mikil vopnasöluþjóð.  Jarðsprengjur bitna helst á saklausum borgurum, löngu eftir að stríðin eru búin.

S.

[Skafti Elíasson, 27.6.2007 kl. 02:24]

Já kíktu á vin minn hann Hála slick  http://halablogg.blogspot.com/2007/04/hrsnarar.html

[Hans Haraldsson (IP-tala skráð) 1.7.2007 kl. 17:33]

Ég geri ráð fyrir að þú eigir við mitt blogg þarna. Það sem ég vara að reyna að koma til skila var í grófum dráttum þetta:  Bandaríkin eru eftir allt saman illskásta stórveldi nútímans og það langskásta sé litið á alla söguna, samanber t.d samskipti þeirra við Íslendinga í aðdraganda varnarsamningsins.  Ef Bandaríkin notuðu sömu aðferðir við að stjórna Írak og Bretar notuðu á sínum tíma væri það leikur einn. Það er virðing þeirra fyrir ákveðnum prinsippum sem gerir það að verkum að þeir geta ekki spilað trúar og þjóðernishópum á móti hver öðrum. Samt virðast Íslendingar vera duglegri við að agnúast út í utanríkisstefnu BNA en t.d stefnu Kínverja í Tíbet eða Frakka í V-Afríku sem þó má oft lýsa sem ómannúðlegri eignhagsmunastefnu.

Heimurinn var ekki laus við vandamál áður en Bandaríkin komu til sögunar og það er kjánaskapur að rekja allt slæmt til þeirra. Eins er kjánaskapur að gera ekki greinamun á því að eiga samskipti við einræðisherra og að "styðja" þá. Bandaríkin eru t.d flækt í málefni miðausturlanda eins og aðrir og þurfa þess vegna að gera bandalög þar. Öll lönd í miðausturlöndum (nema Ísrael) eru einræðisríki/fámennisstjórnarríki. Eins er Indónesía stórt og mikilvægt ríki og ekki auðvelt að koma á lýðræði þar. Það þýðir ekki að það sé hægt að hunsa það.