Breytum draum að veruleika.

  Af;  http://www.eyrarklafur.com10. ágúst 2007.
Nú þegar formlegri stofnun félagsins um byggingu kapalferju á Eyrarfjall er lokið, er hægt að hefjast handa við frekari undirbúning.
Hafin eru ferli við könnun á leyfum hjá opinberum stofnunum, sem um málið þurfa að fjalla, ásamt því sem unnið er að því að fá tvær sjálfvirkar veðurstöðvar til uppsetningar á Gleiðarhjalla og efstu brún fjallsins fyrir veturinn.
Doppelmayer kapalferjufyrirtækið í Austurríki, sem er tæknilegur ráðgjafi okkar krefst þess að fyrir liggi a.m.k. eins árs veðurfarsmælingar á svæðinu.

Nú er hlutafjársöfnun hafin.
Um tvens konar hlutafjársöfnun er að ræða.

Annars vegar er inngreitt hlutafé, sem notað er við undirbúningsverkefni og er því mikið áhættufé á meðan ekki er vitað hvort af verkefninu verður.
Þetta hlutafé er selt á genginu 0,5
Þeir sem áhuga hafa geta snúið sér beint til Sparisjóðs Vestfirðinga á Ísafirði, sem sér um móttöku fjárins.
Hafa þarf nafn og kennitölu kaupanda hlutafjárinsog greiða inná reikning Eyrarkláfs ehf.
Kt 580707-1490-1128-05-401177.

Hinsvegar er um hlutafé að ræða sem lagt verður inn á bundna bók í vörslu sparisjóðsins, sem ekki kemur til útborgunar fyrr en ákveðið verður að hefjast handa við framkvæmdina. Féð ber vexti á þeim tíma sem það er bundið í bókinni, samkv. Ákvörðun stjórnarinnar. Ef ekki verður að framkvæmdum verður þetta hlutafé endurgreitt með vöxtum.
Þetta hlutafé er selt fyrst um sinn á genginu 1,0
Kennitölur fyrir þennan reikning eru:
580707-1490-1128-15-200098.

Hluthafaskrá er uppfærð með fárra daga millibili hér á heimasíðu fyrirtækisins.

Nú ríður á að áhugamenn um byggingu þessa mikla mannvirkis leggist á árarnar og komi fleyinu á skrið.
Hver króna er mikilvæg og hver sá sem sýnir verkinu áhuga verður mikilvægur bakhjarl.

Hefjum nú Ísafjörð saman upp á efstu brúnir.

Athugasemdir

[Ásthildur Cesil Þórðardóttir, 12.8.2007 kl. 19:19]

Jamm ég set inn 20 þúsund kall og skora á aðra að vera ekki minni í sniðum. 

[Hildur (IP-tala skráð) 15.8.2007 kl. 17:15]

Sá svona í Austurríki. Jamm

[Guðrún Jóhannsdóttir (IP-tala skráð) 17.8.2007 kl. 11:55]

Kem til Ísafjarðar að prófa kláfinn strax og hann er kominn i gagnið !  Hef farið í ótal svona kláfa í Mið-Evrópu í gegnum árin - þetta er frábær hugmynd og svona kláfar mættu koma víðar hérlendis, t.d. á Esju okkar höfuðborgarsvæðisbúa.