Slóðinn.......og samleiðin við þá að handan

Ég brá mér í smá ferðalag til að kíkja á vini mína hinumegin á kjálkanum þ.e Patró og Bíldó.  Ég á bara ekki nógu mörg orð til þess að lýsa ferðalaginu frá Þingeyri og yfir Hrafnseyrar og Dynjandaheiði en þarna er slóðinn, brattur mjór holóttur og það er hætta á því að lenda í snjóflóði á leiðinni og að verða fyrir grjótfalli en það er líka hægt að sjóbaðaðann bílinn sinn á leiðinni, mestmegnis af leiðinn er maður ekki í símasambandi, alla leiðina var ég að hugsa hvort ég væri kominn aftur í tímann og ég væri bara á farartæki úr framtíðinni því þarna passaði klárlega bara við hestavagn,, en nú er ég komin fram úr mér.  Það var gaman að koma til Patreksfjörð og Bíldudals en guð veit að þetta eru fallegir staðir.  Þegar ég hugðist fara heim u.þ.b 3stundum síðar var búið að loka Hrafnseyrarheiði, mér fannst það hálf spaugilegt vegna þess að deginum áður hafði ég snúið við úr tilraun minni við að komast yfir þennan dularfulla slóða í átt til Patró. 

 

Baldur rokkar feitt

Uppúr þessu gerði ég mér bara ferð til Reykjavíkur og prófaði að ferðast með Baldri en með honum hef ég aldrei farið áður, ég verð að segja að það var frábært að fara með ferjunni en þar gat ég slakað á fengið mér borgara og horft á Titanic ! hvernig er hægt að hafa það betra, koma svo saddur og úthvíldur úr í Stykkishólmi.

 

“I don´t need your civil war”

 Eitt vakti athygli mína um borð í Baldri það voru náttúrulega fólk frá Patró, Tálknó og Bíldó, ég hlustaði á tvo menn tala saman úr nokkra borða fjarlægð en þeir töluðu um hvað ísfirðingar hefðu lítinn áhuga á því að leiðina vestur fyrir og hvað þeir ættu enga samleið með fólkinu að norðan, ég var svolítið hissa að heyra þetta því að við norðanmenn myndum svo sannarlega nota okkur leiðina vestur fyrir ef hún væri bara fyrir hendi en við höfum jú slóðann sem ég lýsti hér að ofan.  Rexað og pexað hver er að fá göng fyrir hvern sunnanmenn segja að norðanmenn segi að göngin séu fyrir sunnanmenn svo þeir komist norður o.s.frv.  Ég lít á þessi göng sem mikilvægt skref fyrir okkur öll þ.e okkur að komast þessa leið til rvk nýta okkur þann frábæra kost Baldur, kaupa þjónustu að sunnan og selja þangað þjónustu, Efla ferðaþjónustu byggðana í sameiningu, en ég get talað um kosti þessarar tengingar í heilann dag án þess að hiksta.  Ég veit að ef ég hefði talað við þessa herramenn í Baldri þá hefði ég fengið þá til að skipta um skoðun á okkur norðanmönnum, en ég veit að flestir sunnanmenn hugsa ekki svona.  Þetta var farið að hljóma eins og handrit úr amerískri frelsis stríðs mynd um norðan og sunnan menn ég segi bara eins og Axl Rose hér að ofan.

 

Leiðin

 Við eigum ekki að einblína á eina leið til rvk heldur eigum við bæði að fara undir kollafjörð og losna við heiðarnar til rvk.  Einnig eigum við að tengja okkur við Suðurfirðina ekki bara til þess að fá leiðina til reykjavíkur heldur einfaldlega því að við eigum að vera tengd þeim, þetta á að vera eitt svæði, við þurfum á því að halda að þetta sé eitt svæði !. Nú siglum við bara samfélags skipinu okkar á að tengja okkur saman og komum með tillögur hvernig það er hægt (fjárhagslega) ef að við fáum þetta ekki frá ríkisstjórn vorri.  Ég heyrði t.d hugmynd þegar ég var á Patró um að það ætti að gera göng á ská upp á Dynjandaheiði og skella þar rörum í til þess að virkja vatn sem þar er uppá....er ekki bara málið að skoða hvernig við ætlum að gera þetta og svo að sjá hvort við fáum ekki einhverjar krónur í þetta frá ríkinu þó að við fjárfestum sjálf í þessu að hluta til,,? Ég bara spyr.

 

Stinni Hemm

Ég varð að setja þetta inn frá vini mínum Stinna Hemm. http://stinnihemm.blogspot.com/

Ríkið

Einu sinni var konungsríki. 

Í ríki hans voru fjögur þorp. og að sjálfsögðu hallarbyggðin.  Stundum gékk sambúð þorpana við hallarbyggðina stirðlega en hallarmenn stóðu oft í þeirri meiningu að þeir héldu uppi þorpunum og þorpararnir væru alltaf að væla um hluti sem þeir ættu hvort er ekkert að fá.  Kóngurinn átti það til að stinga brauði að þorpunum af og til en ávallt varð það til þess að þorpin settu sig upp á móti hvoru öðru.  Þorpsbúar allra þorpana áttu erfitt uppdráttar því að einbeitning þeirra fór öll í að sjá til þess að þeir fengu ekki minna heldur en hin þorpin.  Þarna var komið upp ófremdarástand og slæmur vítahringur fyrir þorpin en hallarbyggðin gerði ekkert annað en að græða á þessu ástandi því að meðan þorpin voru öll sett upp á móti hvoru öðru þá var lítil fyrirstaða fyrir hallarbyggð að gera nokkurnvegin það sem þeir vildu.  Einn grundvallarmisskilningur var hjá hallarbúum um þorparana en hallarbúar héldu að það væru þeir sem héldu uppi þessum blessuðu þorpurum, en áttuðu sig ekki á því að það voru þorpararnir sem höfðu alið búfénaðinn fyrir hallarbúa allan þennan tíma.  Einnig höfðu hallarbúar gleymt því að meiri hluti þeirra hafði komið úr þorpunum og áttu rætur sínar þaðan.  Þarna var komin staða sem illmögulegt var að snúa sér úr.  Flest allir höfðu misst yfirsýnina á vandamálunum þvi að þau voru orðin svo mörg einnig voru eigendur vandamálana orðnir svo margir.  Einn daginn kom spekingur í kóngsríkið, en þar sem hann var gestur í ríkinu og gat séð og greint vandamálið út frá hlutlausu sjónarmiði þá setti hann þetta svona upp fyrir ríkisbúana.

Meirihluti ríkisbúa, viljiði búa í bæði höll og þorpum ?

Svarið já:

1.  Þá verður þá verður að vera jöfnuður út frá þjónustulegu sjónarmiði

2.  Samgöngur á milli þorpa og hallar þurfa að vera góðar

3.  Ríkisbúar þurfa að dreifa sameiginlegum störfum jaft yfir allt ríkið

4.  Þorpsbúar þurfa að leggja traust ykkar á þá sem þið hafið valið til þess að tala við konung og einbeita ykkur að rækta svæðin ykkar.

      5.  Aðgangur að mat og vatni þarf að vera jafn um allt ríkið

      6.  Allir ríkisbúar þurfa að geta séð sína sameiginlegu hagsmuni og bræðratenginguna sem bindur íbúana saman því að ríkið er lítið innan um stór og vægðarlaus ríki í kring.

Svarið nei:  Leggið þorpin niður og flytjið í höllina.

Var spekingurinn spekingur ?

Þessi saga er engan vegin tengd við raunveruleikann ég er bara að prófa mig áfram að búa til kónga og riddarasögur....

Margt gott en væri ekki ágætt að styrkja heilbrigðiskerfið

Maður spáir nú í því að þegar ekki er nægur peningur í td. heilbrigðiskerfinu  áhverju er þá verið að lækka skatta þar sem að full þörf er á þessum peningum ?

Sjálfstæðisflokkur stefnir að frekari skattalækkunum

Samfélagið okkar

Maður hefur velt því fyrir sér hvernig samfélagi maður vill búa í en ég er á þeirri skoðun að menntun eigi að vera ókeypis að vissu marki þ.e Grunn og menntaskóli svo væri hægt að greiða eina starfsgreinamenntun á mann miðað við frammistöðu. 

Heilbrigðisþjónusta á að ganga jaft yfir alla og á ekki að kosta neitt. 

Leikskólar eiga að vera ókeypis í þeim tilfellum sem foreldrar eru að vinna, og á meðan fólksfjölgun er ekki vandamál í þjóðfélaginu okkar.

Þetta er svona helsta þjónustan sem ég tel að skipti mestu máli og við eigum að veita til þess að bæta líf okkar í heildina litið. 

Harma - Vona

Ég var að lesa á bb að stjórn strandveiðifélags Króks hefði gefið frá sér yfirlýsingu um að  Stjórnin harmi andvaraleysi fiskifræðinga....  Er betra að harma þetta eða að vona að fiskifræðingarnir geri einhvað málinu ?.  Í alvöru talað,  gerir maður einhvað frekar ef einhver harmar að þú gerir það ekki eða eða einhver vonar að þú gerir það ?.

 

Aldrei fór ég suður.  Þvílíkt snilldardæmi, bærinn fullur af skemmtilegu fólki sem er mikið öðruvísi en ég. Við þurfum bara að taka vel á móti þessu fólki eins og að hafa Tóleikahús td. svo er mjög gott að hafa almennilega sundlaug í svona bæ eins og ísafirði.  Ég vona að þetta eigi eftir að stækka og dafna í framtíðinni.

Dugnaðarforkar

Já ég fór að hugsa um dugnaðarforka um daginn en það fékk mig til að hugsa að aðeins fyrir nokkrum árum þá fór "þessi" í taugarnar á mér af því að hann var svo grobbinn og "hinn" fór svo í taugarnar á mér fyrir að vera svona þrjóskur osfv..... Í dag er þetta allt breytt en í dag er ég svo þakklátur fyrir þetta grobbna, þrjóska, freka lið sem fór svona í taugarnar á mér fyrir nokkrum árum því að ég hef gefið því annað nafn í dag það er fólk sem er ánægt með sjálfan sig, einhart og ákveðið = dugnaðarforkar lífsins sem sagt.  Sem sagt flest sem fór í taugarnar á mér (og það var ekki fátt) hef ég lært að meta en ég hugsaði að ef að "frekjupakkið" sem ég þoldi ekki hefði ekki notið við í samfélagi okkar hvar værum við þá ?  Einnig hef ég lært að meta andstæðinga mína en mér þykir óendanlega vænt um þá en þeir gefa mér lífsgildi án þeirra hefði ég ekkert til þess að stefna að.

 

Ég er með tillögu núna, hvernig væri að við ísfirðingar færum meira að haga okkur eins og vinir okkar akureyringar "grobbnir og gráðugir" og færum að skapa okkur tækifæri sjálfir og hætta þessu væli.  Hehe núna verður kannski einhver pirraður að lesa þetta en þeir eru jú líka bara að bjarga sér en þetta er bara mín skoðun og ég ætla að gera allt sem ég get til þess að við náum sem bestum árangri.

 

Já það má segja að í dag sé ég ástfanginn af duglegu fólki sem er allt í kring um mig og ég veit það að með allt þetta duglega fólk í kring um mig þar á meðal sjálfs míns (sem ég elska ótrúlega mikið líka) get ég ekki annað en haft sigur úr býtum.  

 

Dæmi um duglegt fólk í kring um mig að mínu mati

Hafnarstjórinn okkar

Óðinn og Hinni á suður og flateyri

Þrírex strákarnir

Muggasonur

Mamma og Pabbi

Hamraborgarbræður

Elli hjá Veggistingu

Kiddí og Hafsteinn 

Dr. Þorleifur hjá rafisk eða hvað það heitir 

man ekki fleiri í augnablikinu en þeir eru töluvert fleiri en ég get gefið gaum svona í bili.

Nóg hjal í þetta skipti

 

Álver

Ég geri orð frænda míns Ásgeirs Sigurðssonar að mínum "Grasrót 1-0 Risafyrirtæki ég hef ekki fleiri orð um þetta. 

Hvar eru gervihnatta myndirnar

Það vekur athygli hjá mér að deilan um bresku fangana í íran snýst miklu leiti um að bretarnir hafi verið inní landhelgi eða utan írans.... Hvar eru þá gervihnattamyndirnar sem bæði bretar og bandaríkjamenn hafa af þessu ??  Ágætt að nota tæknina þegar hún hentar þeim.

Ég er alveg viss um að íranar fara betur með sína fanga heldur en bretar og bandaríkjamenn.

Skafti Elíasson

Dóttir mín var að teikna mynd af mér í tölvunni.