Sleppum íslenska smáhernum

Já við eigum að sleppa þessum litla hallæris-smáher og átta okkur á því hvaða varnir við þurfum, ég tel að við þurfum ekki hernaðarlega vörn fyrir landið enda hver á að ráðast á okkur og í hvaða tilgangi ?.  Við eigum að einblína á þá jákvæðu hluti sem við getum beitt okkur fyrir td. mengunarvarnir, aðstoð í formi fræðslu í stað hermanna með byssur.  Við eigum að láta heiminn þekkja okkur fyrir visku, friðelsku og umhyggju.

Íslendingar á tímamótum í öryggismálum

Athugasemdir

[Pétur Guðmundur Ingimarsson (IP-tala skráð) 26.5.2007 kl. 19:55]

Hvaða forsendur hefur þú til að halda því fram að Ísland, eitt landa í heiminum þurfi ekki hernaðarlegar varnir?
Ertu slíkur sérfræðingur á sviði hervarna að þú einn ásamt nokkrum kverúlöntum hafi rétt fyrir þér á meðan allir þeir sérfræðingar sem fjallað hafað um varnir Íslands hafi rangt fyrir sér?

[Skafti Elíasson, 26.5.2007 kl. 19:59]

Við getum bara séð það í hendi okkar að við getum aldrei neitt gert hernaðarega sé sjálf og ætti því nóg að vera aðilar að nato.  við getum notað peningana okkar í að hjálpa þjóðum sem þurfa á því að halda td. sjávarútvegsaðstoð í Úganda svo dæmi séu nefnd.

[Pétur Guðmundur Ingimarsson (IP-tala skráð) 26.5.2007 kl. 20:30]

Það er rangt að við Íslendingar getum ekkert hernaðarlega.  Efnahagslega séð getum við haldið úti 2-3000 manna fastaher með 10-30 þúsund manna varaliði. Til að sigrast á slíku liði þyrfti 60-120 þúsund manna innrásarlið.

Að sigla með 60 þúsund manna lið með tilheyrandi birgðum og herskipaflota til Íslands er ekki á færi margra þjóða.

[Óskar Þorkelsson, 26.5.2007 kl. 20:53]

Er sammála Skafta..

[Skafti Elíasson, 26.5.2007 kl. 21:01]

Þetta finnst mér hlægilegur málflutningur svo ekki sé meira sagt, við gætum kannski fengið fólk úr fiskvinnslunum til þess að vera í fastahernum með flökunarhnífa !  Nei í alvöru talað þá eigum við að einbeita okkur að jákvæðri aðstoð erlendis og láta natoríkin um hermennskuna. takk fyrir mig pent.

[Habbi (IP-tala skráð) 26.5.2007 kl. 21:06]

Þú áttir svo helvíti magnaðar teygjubyssur í gamla daga..!!

Blása bara af þeim rykið, og dæmið er þar með dautt!! 

[Skafti Elíasson, 26.5.2007 kl. 21:09]

Já túttubyssur og flökunarnhnífar   Ég veit ekki hvað Pétur ætlar að gera við þrjú þúsund manna herliðið sitt á meðan friðarástandið er....kannski drepa fólk í Írak ?

[Pétur Guðmundur Ingimarsson (IP-tala skráð) 27.5.2007 kl. 00:38]

Ég verð nú sjálfur að segja það að þinn málflutningur er heldur betur myndaður af leiðinlegum rökvillum.
Vonandi get ég bent þér á Ný Félagsrit Jóns forseta, mannsins sem er frægastur fyrir að berjast hvað hatrammlegast fyrir sjálfstæði Íslands. En þar færir hann góð rök fyrir stofnun íslensks varnarliðs.

Hvað íslenskt varnarlið gerði á friðartímum yrði ekki ólíkt því sem það norska gerir t.d. Þú gætir kynnt þér það á vefsíðu þeirra.

En svona óþjóðlegt landráðahjal eins og þú hefur uppi er engum til sóma. Ísland og Íslendingar geta vel staðið á eigin fótum og varið sig eins og fullvalda þjóð sæmir.

[Skafti Elíasson, 27.5.2007 kl. 02:39]

Guðmundur, að öllu gamni sleppt þá ætti þetta að vera eins og hrein markaðsfræði ef út í það fer ég tek litlu sögu frænda míns Gunnars Þórðarssonar

Til að einfalda málið skal sögð sagan af Róbinson Krúsó og Fjárdegi og hvernig þeir hámörkuðu landsframleiðslu eyðieyjunnar sem þeir deildu.

Róbinson var góður fiskimaður og gat veitt 6 fiska á dag, en lélegur að tína kókoshnetur og náði aðeins 2 á dag. Fjárdagur hinsvegar var góður í að klifra eftir kókós og gat náð 6 á dag að jafnaði. Hann var hinsvegar lélegur í veiðum og náði að meðaltali 2 fiskum á dag. Miðað við að hver notaði hálfan dag við veiðar og hálfan við kókós tínslu var heildar öflun matvöru 4 fiskar og 4 hnetur að jafnaði á dag á eyjunni.

 Til að hámarka afköstin og þar með framleiðni gerður þeir félagar með sér samning um að annar veiddi og hinn tíndi kókós og síðan skiptu þeir afrakstrinum á milli sín. Með þessu móti varð heildar veiði og tínsla 6 fiskar og 6 kókoshnetur á dag.

Í þessari einföldu dæmisögu kristallast hagkvæmni utanríkisverslunar og nauðsyn þess að þjóðir heims dragi úr tollum og öðrum hindrunum á milliríkjaverslun.  Einnig sýnir þessi saga okkur að okkur sé hagkvæmast að halda okkur í því sem við erum góð í fremur en að bisast í einhverju sem okkur er hreinlega ekki gefið.  Þú talar um 120 þús manna herlið sem þyrfti að brjóta á bak miniherinn okkar....hvað er það í því umhverfi sem við lifum í ? fyrir utan að ef einhver sem hefði ráð og völd að ráðast á okkur myndi hreinlega sprengja okkur í frumeindir áður en hann kæmi hér.  Elsku Pétur minn þú hlýtur að sjá stóru myndina þegar maður teiknar hana svona vel upp.  Vona nú að þú látir af þessum vitleysugangi og sjáir hlutina í réttu ljósi.

kær kveðja

[Pétur Guðmundur Ingimarsson (IP-tala skráð) 27.5.2007 kl. 13:00]

Skapti, þetta skiptir akkúrat engu máli þegar litið er til grunnatriðanna. Glæpamenn ræna t.d. verslunum þar sem þeir gátu vel átt frjáls viðskipti við.

Við Íslendingar eigum í viðskiptasamböndum við fjölmargar þjóðir og erum að koma fríverslun við nokkrar.

Það hefur hinsvegar enginn fræðimaður í varnarmálum lagt það til að utanríkisverslun geti komið í stað varna. Jafnframt er ekkert sem segir að hugsanlegir innrásaraðilar stjórnist af rökrænum hugsunagangi, því það hefur sögulega ekki alltaf verið raunin.

En enn og aftur ætla ég að benda þér á Jón Sigurðsson forseta og rit hans. Endilega lestu þau.
En landvarnir eru í eðli sínu ekkert annað en löggæsla, en nánar um það gætirðu t.d. lesið hér.

[Skafti Elíasson, 28.5.2007 kl. 14:02]

Jæja Pétur ertu að segja að ekki sé hægt að treysta á natoþjóðir til þess að sjá um varnarmál fyrir okkur ? eða ekki sé hægt að ekki sé hægt að gera tvíhliða samninga við einhverja hervædda þjóð til þess að sjá um varnir fyrir okkur svo gætum við td. lagt upp í það með hjálparskyldu þessara þjóða á átakasvæðum eða þar sem náttúruhörmungar eiga sér stað.  Ég bendi á hverskyns jákvæðnisvopn það væri fyrir okkur.  Enginn er að segja að utanríkisverslun komi í stað varna heldur er ég einungis að segja að við gætum gert betur það sem við erum að gera í dag og sleppt allri hervæðingu.  Þegar öllu er á botninn hvolft þá getum við fengið aðra til þess að sjá um varnir okkar meira að segja fleiri en einn og fleiri en tvo aðila til þess að auka öryggið.  Við getum líka sérhæft okkur í hjálpar og uppbyggingastörfum til þess að greiða niður varnirnar, þannig að allt þvarg um að við verðum að vera með her hér er í mínum huga alger þvæla og ekkert nema peningaeyðsla og vitleysa.  Pétur ég verð að hrósa þér fyrir að reyna að halda uppi þessum málstað það er gaman að rökræða þetta við þig.

[Ásthildur Cesil Þórðardóttir, 28.5.2007 kl. 16:48]

Ja hérna einn skoðanabróðir Björns Bjarna.  Hann á þó allavega einn hauk í horni.